Ramzan ke mahine mein aksar log ye sawal poochte hain ke agar bimaari ki wajah se koi ilaaj karwana pade to kya us se roza toot jata hai ya nahi. Islam ne is maamle mein wazeh rehnumai di hai, taaki insaan apni sehat aur ibadat dono ka khayal rakh sake.Neeche un medical treatments ka zikr kiya ja raha hai jin se roza toot jata hai, ya jin par ulama ka ikhtilaf paya jata hai.
🔹 Wo Ilaaj Jin Se Roza Toot Jata Hai
Kaan mein dawa ya tel dalna(Baaz ulama ke nazdeek is se roza nahi toot’ta, lekin aksar ke yahan roza toot jata hai)
Enema karwanaPet ke raste se dawa ya liquid jana roza tod deta hai.Vicks balm ya garam bhap lena (steam)Agar bhap pet tak pohanch jaye to roza toot sakta hai.
Jaan bujh kar munh bhar ke ulti karnaAgar jaan kar ulti ki jaye to roza toot jata hai.
Naak mein dawa dalna Naak ka raasta directly andar jata hai, is liye roza toot jata hai.
Bawaseer ke andarooni masson par dawa laganaAndar ke raste se dawa pohanchne par roza toot jata hai.
Bina dawa ke bhi garam pani ki steam lenaAgar bhap andar tak chali jaye.
Rahm (uterus) ki safai karwanaNurse ka aurat ki sharmgah mein ungli ya dawa laga kar dakhil karna
Inhaler ka istemal karnaKyunki inhaler ki medicine lungs ke zariye jism ke andar jati hai.
🔸 Important Note
(Ulama ki Rai)Baaz ulama ke nazdeek jo log majboori mein inhaler istemal karte hain, unhein roza rakhne ki ijazat hoti hai, lekin sehat ke baad ehtiyatan us roze ki qaza karni hoti hai.Agar koi shakhs zindagi bhar sehatmand na ho sake, to phir fidya ada kiya jata hai.
🔹 Zaroori Baat
Islam deen-e-asaani hai. Agar koi shakhs bimar ho aur roza rakhna mushkil ho, to Allah ne uske liye rukhsat di hai. Aise mein apni sehat aur sharai hukm dono ko samajhna zaroori hai. Har mushkil masle mein kisi Darul Ifta ya mufti se zaroor rabta karein.